母親節將至，葉蒨文（沙麗）近日接受鄭丹瑞（阿旦）主持的網台節目《健康．旦》訪問，憶亡母被骨折折驣，盼喚醒公眾關注骨質健康。沙麗身邊不少親人，包括媽媽、爸爸、外婆及林子祥（阿Lam）的繼母，都曾經髖骨骨折。她深明骨折對患者及照顧者的影響，她說：「媽媽生前個性獨立外向，鍾意四圍去，有一日佢喺街上突然無法走路，後來先發現原來脊椎L12位置骨折。」
之後她媽媽要臥床，她說：「有一日我突然接到電話，媽媽喺工人上洗手間時自己落床，結果跌咗喺地度，髖骨骨折，痛到死，當時係疫情嚴重嘅時候，媽咪住嘅大廈升降機維修，無法及時去醫院做手術。我阿媽痛到不得了，呱呱叫，唔知點算好。」第二次骨折令媽媽痛苦不堪，更失去活動及自理能力。
媽媽的經歷，令她一口答應參與去年的骨質疏鬆教育廣告，她呼籲子女多關心家人健康，及早聯絡醫生檢查及治療骨質疏鬆，預防骨折。
本文作轉載及備份之用 來源 source: http://hk.on.cc
|
鍾意就快D Share啦！
|
|
|