鄭融入行20年唔敢奢望紅館開騷 聽李克勤周筆暢唱《紅綠燈》毛管戙
鄭融日前作客TVB娛樂新聞台節目《StarTalk》，接受主播許文軒(Edmond)專訪，大談相隔九年再舉行演唱會感受。鄭融直言開騷感興奮，她說：「今次有開騷機會係意想不到，如果平時冇做運動嘅習慣，開騷可能會擔心體能問題，所以今次好彩，我平時有做開運動，生活習慣好有規律。本身疫情好得閒，可以成日叫外賣，放縱自己，但我話唔可以咁，我要挑戰自己食得好清，畀個目標自己，所以影Poster一見到件衫咁少布，都覺得好好彩。」
鄭融相隔9年將再舉行演唱會。
有前輩翻唱自己嘅歌，鄭融覺得好幸運。
鄭融入行20周年，自覺時間過得好快。
早前影演唱會海報相。
談到李克勤和周筆暢於《聲生不息》翻唱其代表作《紅綠燈》時，她說：「嗰晚半夜同朋友一齊，知道克勤、筆筆喺一個咁大型嘅舞台唱咗《紅綠燈》，我自己都好緊張，叫埋朋友一齊陪我睇，我冇諗過到咗副歌部份我好感動，有毛管戙嘅感覺，有前輩翻唱係一件好有成就嘅事，多謝佢哋喜歡首歌，我覺得我好幸運。(呢首歌自己唱過無數次會唔會悶？)好多前輩都話成日唱同一首歌會唱歌嘔，我又唔會，呢方面我唔太理解，《紅綠燈》呢首歌每次唱仍然好感動。」
明年鄭融入行二十周年，她說：「時間真係過得好快，人生第一次有一樣嘢係20年。雖然自己產量唔多，但係每次樂迷都好鍾意，反應好好，覺得呢20年都好豐富。(明年上紅館？) 自己唔係一個好進取嘅歌手，同埋依家好多嘢都預計唔到，自己唯有盡力俾心機去做好每一件事，其他嘢就交畀個天，迎接機會嘅來臨。」
鄭融接受許文軒訪問。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
