台灣天王周杰倫與昆凌早前迎來第三胎女兒Jacinda，忙於照顧B女同時，兩公婆都冇冷落大女Hathaway及二仔Romeo，不但帶住兩個小朋友出遊，月初Romeo 5歲生日，周董更大搞生日派對為囝囝慶生，仲前後準備足足兩個超可愛嘅卡通造型蛋糕，當時已造成哄動，引起大批網民詢問蛋糕來源，呢日答案終於揭盅，原來呢兩個咁精緻高難度嘅翻糖蛋糕，係出自一位年輕糕點師傅嘅小店，據知呢兩個蛋糕價值過萬元台幣（逾2千6百港元），而且當日係周董外母親自選購，可見周董對仔女錫到燶，出手豪氣絕不手軟！
另外，產後火速修身成功嘅昆凌，呢日索性大解放，激罕大晒水着Look，見佢以吊帶小背心配短褲上陣，坐喺泳池邊浸腳，四肢纖幼之外，重點係生完BB後，身材升級豐滿不少，網民即激讚：「嫂子真美」、「身材一級棒」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
