女星Angelababy（楊穎）早前5劇被消失，反觀前夫黃曉明事業如日方中，兩套劇集《潛伏者》和《玫瑰之戰》官宣於今年播出之外，主演嘅防疫電影《你是我的春天》更搶先即將於7月1日上映，曝光率十足，過氣夫妻命運大不同！戲中佢不惜化上老妝，變身麻甩中佬，完全放低靚仔小生形象，表現專業，原來呢次更係佢首次係戲劇作品中做老竇，對於現實中已為人父多年嘅佢感受相當深刻，佢更將做爸爸嘅經驗之談放入戲中：「正式地演爸爸，因為我自己也有孩子嘛，照顧孩子這種尷尬和無奈很有體會，要順着他們的情緒走。」
見佢同戲中囝囝打成一片，絕對係湊小朋友嘅高手，難怪佢都自誇：「哄孩子這事我在行。」不過此言論一出，竟惹來網民批評，紛紛指囝囝「小海綿」主力由Baby照顧，狠批黃曉明冇資格邀功：「你有甚麼體會？孩子不都是Baby在帶嗎？」、「好像從來沒看過你帶孩子」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
