上年在TVB有五套劇播出的海俊傑，今年除了繼續在電視發展外，亦加大力度在音樂方面，最近剛推出新歌《平行時空》，海仔受訪時表示：「當我收到歌詞嘅時候都有少少驚訝，居然同自己年少時有類似既經歷，係感情路上都跌跌撞撞，呢啲回憶都令我更投入係歌曲裡面，令我發揮得更得心應手。
我覺得每一段既感情都係一個人生課題，中間可能會出錯，但我覺得人就係要識得從錯誤中成長，好感激自己都有成長...唔敢講已經成就左一個完美既海俊傑，但宜家的確係比以前成熟左，會更珍惜每一個身邊的不論係太太、家人、朋友等等。另外又提到: 「今次好榮幸老闆親自做監製，佢係一支好大既強心針，由我重新返樂壇再做歌手呢個身份，當中都真係要好大勇氣。希望以後既日子可以有更多機會比大家認識海俊傑，比大家了解更多我既音樂，希望大家音樂歌單裡面會有我既歌曲，可以用歌曲同大家一齊經歷唔同既人生旅程。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|