女神周秀娜（Chrissie）早前因皮膚過敏，塊面紅到一撻撻，令網民非常擔心。好彩日前佢已經好番，仲喺社交網分享一條出海滑浪嘅影片。片中見佢着上泳衣同 ...
女神周秀娜（Chrissie）早前因皮膚過敏，塊面紅到一撻撻，令網民非常擔心。好彩日前佢已經好番，仲喺社交網分享一條出海滑浪嘅影片。片中見佢着上泳衣同救生衣，露出一對白滑美腿，非常養眼！不過最令人驚喜嘅係，Chrissie滑得有板有眼，仲勁到可以一邊飲水，一邊滑水，功架十足。而喺滑浪途中佢仲大顯香吻，搞到唔少粉絲都畀佢電暈。佢仲喺貼文寫到：「終於沒下雨，等到好天氣，可以出海」而網民就留言大讚：「名師出高徒」、「進步咗好多」、「滑浪女神」。
