藝人李思欣向來得天獨厚，食極都唔肥，平時都有做瑜伽的她，日前於社交網大晒做Gym跑步及做瑜伽的相片，穿着一身貼身運動背心的她，露出小蠻腰，以「零贅肉」美好身段示人，她更留言：「呢排食咗好多嘢，要做返啲運動，先可以再食更多。」思欣日前為老公范振鋒慶生，二人對着海景大歎至愛的打邊爐，之後又與友人齊齊吃日本菜，大快朶頤。思欣接受東網訪問時更得戚謂：「我冇肥到呀！好慘呀！我就係食唔夠，增唔到磅數，所以我先做運動，希望令自己再食多啲，我要再肥啲。」現時只有101磅的她，坦言希望想增3、4磅，她又謂：「唔知點解呢幾磅真係好難增，好耐冇見嘅朋友都話我又瘦咗，但係我肥幾磅都冇人會睇得出。」
最近巿道轉好，向來接不少生日、婚宴及活動司儀JOB的她表示晚宴多了，工作亦比之前多番少少，她謂：「以前一星期接幾場，好掛住嗰陣好忙嘅階段，而家有番啲JOB都開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|