周家怡獲楊受成開船P慶牛一 好老闆買七位數賽艇供旗下藝人任玩
上周六是周家怡的43歲生日，向來跟旗下藝人打成一片的英皇集團主席楊受成博士為家怡舉行生日船P，更call埋熱愛水上活動的同門藝人關智斌（Kenny）、衛詩雅（Michelle）、陳國邦、曾樂彤、李靖筠（Gladys）、艾妮（Elly）、黎峻（Kenneth）、劉若寶（Polly）及郭思（Suey）齊齊為新快艇作「下水禮」。
老闆楊博士為家怡搞船P慶生，又送上乳豬造型蛋糕，認真有心思，壽星女表示：「大家玩得非常開心，要多謝老闆為我準備生日蛋糕，多謝各位兄弟姊妹陪我切蛋糕，好開心成為英皇嘅一份子，真係好似個大家庭，超級感動！仲有要多謝Kenny、Michelle同Gladys之前向老闆表達咗我鍾意wakesurf，老闆就二話不說買咗一隻專業比賽用嘅wakesurf船俾我哋玩，真是超級好老闆，咁樣嘅老闆去邊度搵！」問到生日願望，家怡就話：「當然係疫情快啲過去，大家都健康平安，工作順利！」
Kenny表示老闆為他們買船絕對喜出望外，「冇諗到老闆因為我哋一句話鍾意玩wakesurf，唔夠一個禮拜，佢就話畀我哋聽買咗架新船，仲要係full option，即係最高規格要嚟比賽嘅船，好感動。佢仲話：『你哋開心嘅話，啲錢就使得好值。』」一眾藝人當中，以Kenny技術最強，當日他除了負責買板、買gear，上到船更充當教練，負責指導師弟師妹，「佢哋都好有天份，特別係Michelle都幫我做埋助教。」不過Michelle就謙稱自己唔叻，「Kenny先係我哋嘅師傅，我之後負責揸船，因為我係唯一有船牌。」
至於壽星女家怡雖然在陸地上有「女車神」之稱，但出到海便發生不少蝦碌事，Kenny大爆，「佢開頭雖然跌咗好多次，但好堅持繼續，後來好似想放棄，不過我哋唔肯俾佢上水：『你一定要放到繩行到為止！』最後喺我哋強迫之下終於完成咗呢件事，佢都話好開心冇遺憾咁上番架船，哈哈。」家怡就笑說：「尋日wakesurf跌咗好多次，跌到有挫敗感，好在最終得到星級教練Kenny同Michelle指導，終於喺最後一次成功咗，可惜無片，哈哈！」
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
|
鍾意就快D Share啦！
|
|
|