藝人譚偉權（Gary）日前參與一個文藝晚會演出，同場還有汪明荃（Liza）、譚詠麟、王祖藍、黃百鳴等人，席間他再演出《白蛇傳》的許仙現代版，與白素貞邂逅一幕，他笑說：「當日有好多唔同界別演出，最有趣Liza姐當年也演過《白蛇傳》音樂劇，我2006年都演過，隔咗40年許仙終於搵到白素貞啦，有一種緣分。」他表示每次Liza姐見到他都會問候他近況，：「好開心得到佢嘅讚賞，佢讚我唱歌好聽，又讚我把聲好靚，我同佢講我會繼續努力。」
Gary忙於為9月舉行的音樂劇《我們的青春日誌》排練，他說：「呢個係香港第一個長壽音樂劇，會做300幾場，喺一年內冇間斷咁做，挑戰外國嘅百老匯表演模式。」已做過超過30年音樂劇的他，希望能得到大家支持，在香港推動原創音樂劇，他說：「我之前都同King Sir（鍾景輝）傾過，好想香港有個地方係長期演出音樂劇，今次有機會遇到這個班底，大家理念相同，我仲會幫佢哋做培訓工作，希望孕育一班後輩或者素人，讓更多人認識音樂劇，吸引更多觀眾去欣賞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|