獨家丨黃妍自認「包拗頸」又乞人憎 成功爭取落選歌重新推出 #黃妍

獨家丨黃妍自認「包拗頸」又乞人憎成功爭取落選歌重新推出世事無常，黃妍（Cath）新歌《世界以痛吻我而我歌唱》，正好唱出如何面對困境及挑戰，讓自己唔好在 ...

獨家丨黃妍自認「包拗頸」又乞人憎 成功爭取落選歌重新推出

世事無常，黃妍（Cath）新歌《世界以痛吻我而我歌唱》，正好唱出如何面對困境及挑戰，讓自己唔好在黑暗中沉淪落去，在光鮮亮麗的狀態下企返起身。外表斯文，講說話陰聲細氣的Cath，平時會食雪糕抒壓，自爆跟音樂人王樂儀都係「包拗頸」又乞人憎的女人，坦言自己都有啲脾氣。採訪：方騫平 髮型：Alex So@The Attic 化妝：Jessica Chan@SacaiOfficial @Farfetch @CharlotteNgStudioOfficial 

Cath用新歌提醒大家如何走出逆境。



Cath跟同門陳柏宇係老友，更愛屋及烏。

新歌《世界以痛吻我而我歌唱》源自印度詩人泰戈爾《飛鳥集》詩句，原文係「世界以痛吻我，要我報之以歌」，由她及何秉舜共同創作，亦是跟王樂儀合作的第14首歌。由於歌曲屬力度較大的型格歌，同Cath以往的曲風唔同，所以完成後勁興奮。



黃妍出新歌《世界以痛吻我而我歌唱》。

燥底易發脾氣

Cath自言遇到不如意的事，「會燥底發脾氣，有乜事會爆咗先，印像最深刻去年同王樂儀等合作，做影像與聲音體驗展覽幾乎吵大鑊，當時我同其中一個設計師喺裝置上有唔同意見，大家各執一詞狀況好僵，我哋3個人隨時吵大鑊。直至個多小時後變返心平氣和，雖然多咗爭執，但我堅持互相交流好重要，我要時間慢慢觀察及聆聽。」 



去年Cath搞影像與聲音體驗展覽幾乎同王樂儀吵大鑊。



Cath剛完成跟per se的《詩的吶喊音樂會》演唱會。



Cath去年舉行過《 Cath Wong 2021音樂會》。

另外，去年有首旋律好好聽的新歌Demo，卻因編曲太簡單未被選用，最後Cath搵唱片公司的A&R部門轉編曲，成功爭取變返正選歌：「不過當時知道被foul都好爆炸，喺『大海』度亂咁聽啲hit歌，了解返hit爆元素，又loop返自己嘅Demo有咩不足之處，據理力爭原來係好有成功感嘅。」



今年初Cath喺「叱咤」中首次奪得「叱咤樂壇女歌手」銀獎。



Cath參與《一日妍究生》短片拍攝，由嘉賓羅家英教路。

立即下載 | 全新《星島頭條》APP : https://bit.ly/3yLrgYZ 

本文作轉載及備份之用 來源 source: http://hd.stheadline.com

鍾意就快D Share啦！

下一篇 》