李璨琛太太Sophia早前發文笑阿女李元元（Lucy）「一枚流鶯」，引發連串爭議，社交網更一度被清空及刪除，但原來只係官方誤會用戶年紀未夠秤，先將帳號停用。事隔1日，李元元嘅社交網終於「復活」，PO出同阿女講故事嘅新片，當講到如果媽媽被人捉走時，Lucy即表現傷心，令Sophia感動表示：「諗起媽媽畀人捉走咗，立刻忍唔住傷心起來。唔使驚，老母先係史上第一女魔頭，只有佢先會捉走人。」
雖然表面睇Sophia冇受事件影響如常更新社交網，但其實佢暗地裏已改走「流鶯」字眼，將原文「廟街流鶯一枚，喂呀你可唔可以着番好對鞋先再講呀，你咁樣係唔會有客㗎」，改成「廟街流星一枚，喂呀你可唔可以着返好對鞋先再講呀，你咁樣係唔會有來一客杯面食㗎」，間接認低威補鑊。
Sophia之後再出Post，對今次風波有所感高：「終於攞番呢個Account，一切都平安了❤️昨天吃魚蛋粉，旁邊坐着的女士臨走前叫我加油。然後街上有個陌生人（對!是陌生人😆)走上前很冒昧的拍拍我膊頭跟我說聲LU媽加油呀！然後網絡上有很多人主動教我應怎樣做，最後還有很仗義的幫我把問題極速解決了的三位女俠，我想在座的LU粉都應該要感謝她們❤️❤️❤️每個人都有權利去選擇他們想相信的故事，也想説因為學會心廣，一切的説話也成為浮煙。別人替你落下甚麼註解其實並不重要，最重要還是你如何看待自己！」同時又上載抱着Lucy的照片，非常有愛！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
