台灣女星林心如早前憑台劇《華燈初上》人氣再升，演技獲得激讚之餘，其完美體態更係得到一致好評。近日暑假，佢孖住老公霍建華及囡囡一家三口出遊去墾丁旅行，亦有趁機罕有以水着Look示人，大方展示好身材。佢喺社交網上載一系列度假靚相，見佢先着上三點式，瞓喺長椅上曬太陽，大騷超長美腿，之後再換上另一套吊帶連身泳衣，落水進行下水禮，見佢趴喺浮床上側頭托腮，仲大玩「老公視角」，對住鏡頭甜笑放電，電力十足，最大亮點係佢素顏上陣玩水，妝前妝後零變化，皮膚狀態冇得輸！林心如留言表示：「假期結束，我們的暑假也結束了，準備開啟上班上課模式，大家的假期都過的好嗎，跟着小孩放了兩個月的暑假真開心，今年的暑假終於沒有浪費的到處走走玩玩了，起碼20幾年沒過去的墾丁依然很迷人，小孩開心大人就開心，收心囉。」
雖然放咗個長假盡情放肆，但林心如絲毫冇變肥，佢仲公開體重，只得47.75KG，亦即只有105磅，連佢自己都話難以置信：「竟然.....瘦了」，令網民大感驚訝又羨慕。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
