黃柏高現飲水休息養生珍惜健康 曾嗜狂飲威士忌致患重病險死
自封「神級經理人」的黃柏高（Paco）在2020年不幸患上重病，不過經過治療及休養後，現在已完全康復，但他由始至終未有透露自己患上甚麼病，只透露曾要接受手術。日前Paco亮相張沅薇、可宜及鄭啟泰主持的網上平台健康資訊節目《醫師Talk》，擔任嘉賓，分享近況及健康秘訣，期間精神飽滿的Paco透露近況以養生為主：「最緊要有命先，原來我仲生存到喎，咁先有機會（做其他工作）。」
Paco（左）患病前熱愛杯中物及暴飲暴食。
黃柏高（右）以前威士忌當水飲。
近日接受鄭啟泰訪問，分享患病經歷。
Paco回首過去，認為工作忙碌令他忽略健康，暴飲暴食作風亦是他身體出警號的主因，他表示：「唔知道有朝一日自己要停落嚟，到病咗先知道，真係原來會死，過程真係好辛苦，要真正經歷過，然後先明白要愛惜身體。」自言現在養生經驗豐富的Paco，透露養生秘訣只有兩樣；一是要有充足睡眠，二便是飲水，他坦言：「以前我嘅生命之水係威士忌，依家係飲水。」自言以前醉醒多過瞓醒的Paco表示過往不時有人勸他改掉壞習慣，但他只當作耳邊風，不過經歷過今次病患，令他明白健康的重要，他又表示：「以前我係以唔好嘅態度去執行食補健品，Double人哋嘅份量，人哋話食一粒，自己就食三粒，以為可以增強，但其實係Over咗，適量就好。」
自言以前威士忌是生命之水，但現在已戒酒，只會飲水。
節目由復出不久的張沅薇（左）和鄭啟泰及可宜主持。
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
