▲金牌經理人黃柏高（左）分享養生之道。
有金牌經理人之稱的黃柏高（Paco）早前患病，近年已痊癒，並深居簡出專注調理身體。甚少露面的Paco日前亮相為張沅薇、可宜、鄭啟泰主持的網上平台健康資訊節目《醫師Talk》任嘉賓，分享近況及健康秘訣。
精神飽滿的Paco透露，近況以養生為主：「最緊要有命先，原來我仲生存到喎，咁先有機會（做其他工作）。」
視推動廣東歌為使命的Paco，在娛樂圈涉獵唱片公司經理人、音樂、電影等範疇，工作忙碌，但回首過去，Paco認為忙碌令他忽略健康，暴飲暴食作風亦是他身體出警號的主因：「唔知道有朝一日自己要停落嚟，到病咗先知道，真係原來會死，過程真係好辛苦，要真正經歷過，然後先明白要愛惜身體。」
適量補充劑調理身子
笑言自己養生經歷比任何人多的Paco，透露有兩大養生秘訣，一是要有充足睡眠，二是生命之源便是飲水：「以前我嘅生命之水係威士忌，而家係飲水，我嘅養生格言係飲多啲水、瞓多啲覺。」
自言以前醉醒多過瞓醒的Paco，表示過往不時有人勸他改掉壞習慣，但他只當作耳邊風，不過經歷過今次病患，令他明白健康的重要，他指：「瞓醒又可以Enjoy新嘅一日，好難得。」
問到Paco可有食補充品調理身子？他笑說：「以前我係以唔好嘅態度去執行食呢啲補充品，Double人哋嘅份量，人哋話食1粒，自己就食3粒，以為可以增強，但其實係Over咗，適量就好。」
此外，談及對音樂及娛樂的使命，他指有3個信念一直堅持着，他謂：「1，係要話畀年青小朋友知，其實聽音樂要畀錢，一直都提醒小朋友唔係免費download；2，係音樂無分界限，最緊要好聽；3，專注推動動作電影。」
最新影片推介：
撰文 :TOPick柴犬出動
本文作轉載及備份之用 來源 source: http://topick.hket.com
|
鍾意就快D Share啦！
|
|
|
