2013年，5歲的楊鎧凝（Celine）因為拍攝美心廣告而爆紅，之後廣告接唔停，獲封廣告小天后，之後仲參演過《愛我請留言》、《陪著你走》及《來自喵喵星的妳》劇集。
有網民覺得14歲嘅「美心妹妹」望落有啲似馬德鐘。
當年嘅美心妹妹真係好可愛。
2015年，6歲嘅Celine於書展推出寫真集《童萌時光》，由於當中有幾張相張開雙腿又翹起臀部，甚至露出白色內褲，被批意識不良，警方當年曾介入調查，攝影師最終致歉。之後因為要專注學業，Celine減少幕前演出，但就依然活躍於自家的YouTube頻道。
周日出席《屁屁偵探電影：天才惡人屁屁亞蒂 + 夢幻的巨無霸番薯批慶典》首映禮的Celine被網民指大個女唔同晒樣，佢表示認同，「大個咗唔同樣每個人都係o架啦，高咗都係唔同樣，4歲同我14歲梗係會唔同。」佢仲自爆有計劃加入娛樂圈，「因為唱歌，跳舞都鍾意，拍戲正常都鍾意，邊方面都冇所謂。」更有人話見到佢就即刻諗起馬德鐘，入行後可以演馬德鐘個女喎，網民真係麻鬼煩呀。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|
