「國民初戀」姚焯菲（Chantel）今晚（8日）出席在九展舉行的青年文藝音樂會任表演嘉賓，她表示第一次聯同合唱團同台演出，感覺很特別，提到放學便趕來表演，她笑言：「有少少眼瞓，但都慣咗，依家有功課冇咗放假mood，功課和工作唔算多，handle到。」
提到明晚又會出席生力軍音樂會，直言有少許緊張，加上炎明熹（Gigi）因確診未能一同上台表演，她透露原本與Gigi同台有一個表演，現在惟有取消，再作出調動，Chantel說：「好掛住Gigi，但唔想阻住佢休息，冇打畀佢，只有短訊聯絡。」她表示期待見到其他歌手。
講到明晚將同台演出的ERROR成員郭嘉駿（193）表示想認識她和Gigi及想合作，Chantel笑得尷尬，一度答不上，之後表示可以交流一下，並說：「我未想像到佢有幾高！（喜歡男仔高大？）又冇所謂。」問到搞笑會否加分？Chantel笑說：「會鍾意專一，搞笑要睇話題，我好容易笑，Felix（林智樂）都好搞笑會逗我笑，但唔代表我鍾意Felix。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
