足球博彩神器，每日重心提供盡在《彩報》：http://win.on.cc/football/
英女王伊利沙伯二世周四(8日)駕崩，英國本周各項體育賽事都受到影響，英格蘭聯賽會宣布，當地時間周五(9日)上演嘅英冠賽事諾域治對般尼將會延期，本周英超亦宣布延期。
英國政府於當地時間周五早上，公布全國哀悼期嘅指引，唔會強制取消哀悼期包括國葬當日嘅體育活動，各活動係咪仲舉行，就交由各組織自行決定。而英超賽會喺開會後，決定將本周賽事延期，至於喺哀悼期內跟住嘅賽事點處理，賽會之後會再公布。同時，英國聯賽會亦宣布，本周英冠賽事延期。
英女王駕崩消息發布時間，正值係英超球隊阿仙奴喺歐霸盃作客FC蘇黎世上半場，下半場重開前兩隊即圍圈進行默哀儀式，之後曼聯亦喺主場迎戰皇家蘇斯達，但由於當時大量球迷已經去到會場，為安全起見賽事先至如期舉行。
英超賽會同政府就今個周末賽事安排商討，周五(當地時間)英冠諾域治對般尼、英乙燦美爾對史托港已經宣布延期，各級聯賽所有賽事都會作同樣安排，其他運動賽事如高爾夫球、板球、賽事等都取消原定比賽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
