星級家長王祖藍同李亞男日前兩公婆齊齊出動，帶即將4歲嘅大女Gabby返幼稚園，原本就讀香港大埔懋柏禮國際幼稚園學前班嘅Gabby，因為跟住daddy飛內地生活，佢依家就身在上海就讀上海耀中國際學校，絕對係上海頂尖國際學校之一！據知該校採用雙語及多元文化教學模式，為2至18歲的外籍學童提供幼兒至國際文憑大學預科（IB Diploma）課程，畢業生遍布世界各地頂尖大學，包括清華大學、北京大學、牛津大學、劍橋大學等，亦因而成為近年星爸星媽的首選，陳小春大仔Jasper、鄭希怡（Yumiko）囡囡梁浸浸、蔡少芬張晉囡囡、孫儷仔女等都在該校就讀，睇嚟學校唔只係狀元搖籃，更加係一眾星二代嘅集中營。
不過最令人驚訝嘅係上海耀中國際學校學費不菲，Gabby入讀嘅幼稚園部3歲至4歲班每年學費25.2萬元人民幣（約28.6萬港元），而小學全年學費就由29.29萬元人民幣（約33.3萬港元）起，中學學費更由32.68萬元人民幣（約37.1萬港元）至33.84萬元人民幣（約38.5萬港元）不等。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
