她表示，拍攝時十分掛念女兒，還好三個月「話咁快就過」。她透露，三個月的拍攝期間自己幾乎每天都和女兒通電話解相思之苦。她說：「我都同佢講，唔使擔心媽咪，我喺呢度好多friend。返到嚟之後又好似佢好似大過咗咁。」
9月開學，梁詠琪除了工作之外還十分關心女兒的學習，公餘的時候也會抽空陪小朋友溫書。她說：「睇佢練寫中文嘅時候，真係會諗返以前自己究竟係點捱過嚟嘅呢？中文原來真係幾難！不過自己當時都捱到，咁對佢應該冇問題。」她續說，其實學中文可以由電影或是街上的中文字學起。有沒有帶小朋友睇《合家辣》？她回答：「冇呀，《合家辣》好似...我同我先生都諗過好似有啲場面笑話好似睇唔明，等佢大個啲先。」
梁詠琪、老公與7歲女兒的關係十分好，她透露最近女兒迷上了韓國女團Blackpink，平時在家中會一齊聽歌之外，老公還會與女兒一齊跳Blackpink舞。她說：「佢好鍾意韓國音樂，我哋會一齊睇！一齊追星！我哋會一齊喺屋企勁歌熱舞，哈哈，會一齊拍一啲video，好傻咁，不過當然留返自己睇就算。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|