已故樂壇天后梅艷芳的胞兄梅啟明昨日（2日）現身高等法院，正式入稟控告姪兒梅柏麟及負責照顧梅媽的鄭姑娘。談到日前梅媽受訪，讚鄭姑娘及強烈否認遭禁錮，梅啟明表示覺得對方遭人挾持而被迫講反話：「梗係啦，老人家唔知道會被人餵咩藥，咁把聲究竟係咪佢嚟嘅呢？我要求阿媽同鄭姑娘下星期二喺荃灣住所下現身，同我一齊見傳媒。佢冇畀人禁錮咪企出嚟講囉！」
至於他早前指稱兒子懷疑患癌，他表示兒子刻下病況要問「前妻」，下星期一次過交代：「我老婆喺馬來西亞搞緊離婚，我冇所謂。（話你唔返去探仔？）有錢都寄過去畀佢啦，依家啲機票錢咁貴。話我冇畀錢養佢哋，我大疊單喺度可以做證據。（點解唔拎出嚟？）嚟緊會。我連電影公司官司都要上訴，還自己一個公道。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|