藝人曾志偉早前確診，其主持節目《開心無敵獎門人》上月24日原定有錄影，被迫押後至今晚。錄影廠全場爆滿，「獎老」錢嘉樂率領全場觀眾「模拜」志偉登場，氣氛相當熱鬧，志偉笑向二人說：「知道你哋上個禮拜，將節目名改咗做《開心冇咗獎門人》⋯我原本種橙，點知變咗「中招」！」全場爆笑。
嘉賓薛家燕與一眾後輩包括陳曉華、邵初、鄭衍峰等組隊參賽，大跳十字步出場，陳曉華等更特意於前額貼上「大粒墨」，配合薛家燕的招牌記認。「乒乓波」環節時薛家燕表明「唔識打波」，志偉即讓她「打無影波」，題目講到「同薛家燕有關係嘅男人」時，她竟自爆：「郭富城囉。」
薛家燕坦言由於錄影決定得太匆忙，她早兩日才接獲通知，又笑指遊戲難玩，會交由一眾後輩「代勞」：「年青人需要多啲表現。我最驚係玩濕身，不過都帶咗秘密武器，到時出動Captain Nancy！」至於要「除罩錄影」，她表示：「我哋嚟之前都做晒快測，都係要小心為上。我日日跳十字步當做運動，增強自己免疫力。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|