「聲夢人氣王」炎明熹（Gigi）、姚焯菲（Chantel）、鍾柔美、詹天文今日（12日）在大角咀出席商場騷，粉絲逼滿商場，企滿3層樓，當中以Gigi的Fans最多，氣勢最勁。9月3日確診的Gigi終於完成隔離康復出關，露腰上陣的她身形比之前瘦了一點，她明顯做足防疫措施，全程戴着密籠口罩，但聲線明顯略帶沙啞，她在台上笑言聲線今日有點缺陷，為安全計她全程帶住口罩作保護。
接受訪問時，她表示現時已經康復得七七八八，期間大概病了1星期，當時感覺比普通感冒嚴重一點。講到身為歌星可擔心聲線沙啞，她說：「順其自然。」她又為了保障大家安全而全程戴住口罩，四人中亦唯獨她沒有唱歌，她指會待完全康復才會再唱歌，工作則有待公司安排，明天將會如常返學。
講是否有很久沒有如此長時間休息？她說：「都係，不過，你哋都知我多嘢諗，期間都有諗吓學業、唱歌，都有問題啲結論嘅。」對於有關指她患病期間因錯過工作，捐失近百萬？她說：「冇聽過，唔清楚，係有啲工作做唔到，好似Johnny Yim嘅音樂會。」
珍珠奶茶答謝詹天文
由於Gigi碓診，詹天文要臨時頂替Gigi在音樂會上獻唱，Windy被問要Gigi怎樣答謝她？她說：「一杯珍珠奶茶啦，當時好擔心佢身體，自己接到要代Gigi唱歌，因為冇時間綵排，所似都好驚，雖然唱得唔夠Gigi好，但總算順利完成。」
將生日的姚焯菲指介會外出食飯慶祝，因為生日是平日，到再看看會否約朋友去玩。問到Gigi、Yumi和 Windy會怎樣慶祝？她們皆表示已準備了禮物，但要保持神秘，又透露四人組成的After Class將推出新歌，或許會是一首快歌。
本文作轉載及備份之用 來源 source: http://hk.on.cc
|
鍾意就快D Share啦！
|
|
|