談到內地拍攝的經驗，其中一點最令洪永城感覺最深的是，內地團隊擁有十分多工作人員。他說：「譬如一盞燈會有15個人去搬，拍攝有好多部機，每一部機背後又有10個人，一場戲可能成場有過百人，簡單給拍一個踩單車嘅shot，你發現點解咁多人喺度嘅？人多係一個分別啦。」
他續說，內地人多好辦事，工作起來也十分爽快。除此之外，他還記得有一次，有一個內地拍攝背脊shot時，雖然鏡頭沒有影到他的正面，但他竟然十分入戲地流淚，專業的態度令洪永城大開眼界。
有趣的是，洪永城離港三個月後回家，囡囡竟然已認不到他。他說：「我返到去抱佢，佢見到我就好驚訝，我想捉佢隻手，佢又縮開，跟住佢又喊，佢喊我心裡又跟住喊。冇辦法，跟住就用返兩日時間陪佢，陪瞓陪沖涼，陪飲陪食陪玩，換片去公園玩鞦韆，乜都做晒。呢兩三月老婆好辛苦，所以我哋約法三章就我負責返，佢可以放鬆啲。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|