1
最近藝人陳智燊同老婆宋熙年近日去咗澳洲，帶埋一對寶貝仔慶祝結婚6周年「鐵婚」，佢哋仲去到宋熙年「娘家」參觀，順便畀大家睇吓佢嘅港姐成長路，見佢係咁介紹逾2,000呎嘅獨立屋，共兩層連後花園、泳池，真係睇見都知豪！
宋熙年「娘家」依家只有父母居住，阿妹已經搬走，客廳就有三張梳化，仲擺放宋熙年2006年參加悉尼華裔小姐嘅獎品按摩椅一張，即係已經有足足16年歷史，保養仍然新淨。加上巨魚缸、逾1米花樽、茶櫃等，係幾有華人特色。
見廚房大部分櫥櫃都係木製，宋熙年表示20年前自己都有份參與設計，不過佢都自爆無論色調定電器都已過時，雖然曾提議換晒佢，但父母認為用得唔好嘥，連部微波爐都已經「20歲」都仲運行妥當，唔怪得宋熙年都讚勁。而宋熙年間閨房，大大張選美得獎靚相擺枱面，加上化妝枱、書枱全部都有廿年歷史以上，再加上紫色牆身，反而配合到近年大興嘅Retro風格。
本文作轉載及備份之用 來源 source: http://hk.on.cc
|
鍾意就快D Share啦！
|
|
|