宋熙年（Sarah）8月時同老公陳智燊（Jason）帶埋兩個仔一齊飛澳洲悉尼探望父母，期間不忘拍片開箱自己「娘家」。
宋熙年父母所住嘅獨立屋共兩層連後花園以及游泳，由於妹妹已經搬走，所以家中只得兩老居住，空間絕對夠用，就算廳擺有三張沙發都仲有不少走動空間。客廳特別之處係放有宋熙年06年參加悉尼華裔小姐嘅獎品--按摩椅，雖然已經有16年歷史,但仍然保養得十分新淨。另外，全屋亦放有不少大型擺設，如巨魚缸、人咁高嘅花瓶，茶櫃等等，宋熙年笑言全屋都十分「傳媒」。
廚房部分，大部分櫃都係木製而成，宋熙年表示20年前自己都有份參與設計，無論係色調或者電器都已經過時，她曾提議換掉，但父母認為用得唔好嘥，眼見20歲嘅微波爐依然運行當中，宋熙年都不禁表示「勁」。除咗電器之外，宋熙年房嘅化妝檯、書檯全部都有廿年歷史以上，再加上紫色嘅牆身，非常有復古味道。
本文作轉載及備份之用 來源 source: http://www.hk01.com
|
鍾意就快D Share啦！
|
|
|