藝人張智霖日前喺內地節目《披荊斬棘》公演中，同老婆袁詠儀台上補辦婚禮成高潮，更拎埋冠軍並蟬聯人氣王，不過評語好壞參半，有人就大讚二人恩愛多年令人動容，同時又被網友指佢哋勝之不武，更引嚟其他哥哥嘅「羨慕妒忌恨」。喺一片爭議之間，忽然袁詠儀唯一影迷會「永遠心儀」突然關閉，粉絲留言寫道：「本來下個星期的15日是永遠心儀二十四周年的日子，但如今終究沒有這個緣分能一起走下去，就讓我們江湖再見，山水有相逢。」
唔少人見到公告之後，就感嘆24年感情真係好難得，大讚影迷會夠長情，可惜都係敵不過關閉嘅結果。有網友爆料指關閉原因，係袁詠儀對待粉絲態度雙標，佢同張智霖啲粉絲行得更埋，兩邊粉絲鬧交時，佢就走去教訓自己粉絲：「說愛她就不要傷害她的家人」，大彈佢係「戀愛腦」。不過亦有網友估係因為佢哋個「補辦婚禮」爭議問題，另外又有網友估計係袁詠儀近年唔再將演戲做重心，影迷會自然就會關閉。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
