藝人林正峰被指背游嘉欣跟劉溫馨約會而傳緋聞，事後林正峰以「少傾偈的前輩」來稱呼對方，又指世途險惡似有所暗示，今日（7日）林正峰自風波後首露面，對於劉溫馨以「如果唔熟點會一齊食飯」及「世途險惡」作反擊，他稱不會對此作出評論：「熟唔熟係好主觀。（同佢仲係咪朋友？）一直都當佢係朋友同前輩。（事件後有冇打畀對方？）冇，因為我一直好忙。」
他承認事件令他有少許困擾，惟有自己調節心態，問到會否擔心形象受損？他說：「我決定唔到大家點諗，冇得控制。（下次再有異性約你，會唔會驚咗？）比較好嘅做法係一班朋友一齊食飯，就唔會有呢啲事發生。」提到緋聞女友游嘉欣，他指對方有慰問他：「大家係好朋友，互相關心好正常。（叫佢請你食番餐生日飯？）唔使，兄弟講心唔講金。（佢係咪相信你？）兄弟呢啲嘢，唔信我會嬲佢。」但他稱不認為跟劉溫馨各有說法，只是大家表達自己感受，發表自己感想，大家說法沒有衝突。
本文作轉載及備份之用 來源 source: http://hk.on.cc
|
鍾意就快D Share啦！
|
|
|