落選港姐徐麟開腔講落敗感想透露去向 大方認決賽表現差：唔會放棄學廣東話
《香港小姐2022》早前圓滿落幕，三甲賽果全部出爐，當中殺入五強的大熱門1號「爆炸頭」徐麟，最後三甲不入大熱倒灶。賽後不少佳麗都有在社交平台發文，徐麟昨晚亦終於開腔，回應大方得體獲網民大讚。
【點擊睇徐麟靚相】：
她寫道：「花咗幾日時間來回味呢四個月嘅旅程, 感覺而家嘅自己煥然一新。參加港姐比賽應該係我做過最瘋狂嘅事啦, 喺完全陌生嘅領域自我挑戰咗好多次, 同時喺呢個过程中對港姐文化同香港呢個城市亦有咗更加深入嘅了解; 最重要嘅係, 認識咗許許多多可愛、善良、溫暖嘅人; 臺前幕後, 十分照顧, 非常感恩 (喊紧TT)。」
徐麟續指：「特別想感謝一路關註、支持、幫助我嘅朋友同fans, 紅館表現確實唔係好符合預期, 廣東話冇令到自己好滿意; 但人生就係咁樣啦, 缺憾都係一種美, 可以入到五強已經非常驚喜了! 另外決賽嗰晚全場嗌一號嘅時候真係超級感動, 所以我唔會放棄學廣東話嘅！」最後她指將會回歸學術界，「希望大家可以多多關註傳統文化同慈善事業, 同時希望下次見面可以俾大家睇到更好嘅Astrid!」
徐麟以長文總結今次參選及落敗經驗，大方認自己表現未夠好，網民都大讚她樂觀積極。
【其他文章】：
73歲王薇薇封「Barbie女性榜樣」 未P圖真樣網上瘋傳：面目全非
陳冠希舊愛Cammi身材變幻莫測 臀部突變闊如「鬼影變幻球」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|