下流上車族丨郭柏妍緊身小背心逼爆踩板搶Fo 演家姐實際年齡細過阿妹羅毓儀
處男下海的林敏驄與江美儀、鮑起靜、郭柏妍、羅毓儀、鄧智堅、林穎彤和袁文傑等人演出的TVB台慶劇《下流上車族》將於今晚八點半在翡翠台播映，郭柏妍和羅毓儀在劇中飾演驄哥及美儀姐的女兒，飾演家姐車芊芊的郭柏妍同憶樓成狂的阿媽更是前世撈亂骨頭，堅拒做樓奴的郭柏妍，在劇中經常踩滑板送外賣賺錢，為了配合角色，事前專登上堂學踩滑板：「以前已經心思思想學，學嗰排每日放咗工就走去練，希望將勤補拙。」她又稱驄哥、美儀姐及鮑姐私下相處也很像一家人：「有次我失咗聲好擔心影響進度，佢哋好好係咁安慰我，驄哥畀咗啲潤喉膏我食，美儀姐就推介咗啲中藥，食完之後真係好番冇事。」
【點擊睇《下流上車族》精彩相】：
現時26歲的羅毓儀雖然在劇中飾演郭栢妍細妹車蔓蔓，但實際年齡卻比郭栢妍還要大一歳，全靠童顏勝任「細妹」一角！劇中羅毓儀受母親溺愛，自理能力絕對麻麻，所以在日常生活爆出不少笑料。羅毓儀自爆其中一場喊戲，全靠美儀姐的「愛心雞翼」引爆淚水：「美儀姐煮嘢食好叻，有次開廠佢整咗滷水雞翼畀我哋食，為咗喊得出我就食咗 4 隻，因為喊戲要用好多 Energy，全部人食完之後即刻喊到一 Take 收貨！」
今次林穎彤（Bella）一改慘慘豬形象，飾演貪小便宜兼凡事算到盡的港女新抱王亦詩，Bella笑言被劇中計數場口考起：「有啲戲要表現到計數好叻咁，而我嘅數學係勁差，背對白時要花啲工夫。」童星出身的 Bella 透露 9 歲時第一次拍劇正是與鮑姐與美儀姐合作，對於大家相隔 20 年再合作感到很親切：「好細個已經認識鮑姐，好似見番一個好熟悉嘅長輩咁，美儀姐就同我一樣都係食素，佢成日會分享素食畀我，覺得好溫暖。」
今晚播出的第一集是講車志明與妻子車莫雯慧為圓上車夢，連凶宅單位也不放過。雯慧偕家人在當鐘點的豪宅度假，怎料……車家兩名女兒車芊芊、車蔓蔓分別出國體驗生活與留學，雯慧樂得與志明二人世界，卻被志明的兄弟關細孝登門打擾，更說要借宿暫住，兩夫妻心生一計。細孝一家三口逼進志明的單位，細孝的媳婦王亦詩、雯慧弄得勢成水火。細孝之子關偉力到志明工作的超市當兼職，首天與麻煩顧客閔謝毓霞起爭執，混亂間，志明拾起與亡母擁有的同款金戒指……
【其他閱讀】
鍾培生傳與26歲前港姐陳若思拍過拖 女方：佢正籌備結婚
TVB小花陳若思做性感野人搏到盡 心口開「窿」晒傲人上圍搶晒鏡
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
