藝人艾威曾為前妻陳美玲花百萬積蓄醫病，可惜二人喺2020年決定離婚，結束18年夫妻關係，令唔少人大感可惜。而佢哋最近就拍攝內地真人騷節目《再見愛人2》，大爆離婚原因同「打麻雀」有關，令唔少嘉賓非常驚訝。
艾威喺節目講到：「打麻雀這個問題討論好久，我覺得好累。然後第二天早上，我再說一遍，她再打一次就代表離婚，我不會再說任何一句話，三個月之後她若無其事地告訴我去打麻雀。」艾威愈講愈激動：「五年前是她答應我，她可以打到晚上十一點鐘，只是她控制不了自己，一打麻雀電話都不回，打到三更半夜。問題討論過幾十次，絕望，我一直想，為甚麼她選擇麻雀不選我。」而陳美玲期間曾嘗試解釋，不過被艾威一直打斷，更忍唔住落淚。事後陳美玲表示：「我有跟他解釋，但他不會聽你解釋。」又承認同艾威分開後，依然深愛對方。唔少網民睇完片段後，都表示好期待節目播出，仲話希望佢哋最後可以重修舊好呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|