隨着郭富城唱熱台慶，跟着便是抽台慶大獎環節，無綫鎮台之寶汪明荃（阿姐）、黃嘉雯、丁子朗等爭奪「台慶終極大獎」價值28.8萬電動車，最終由汪明荃奪得，着到紅噹噹兼露香肩的她即開心坐入車內，全場都戥她開心，拍掌高呼。而分別價值30萬、15萬及10萬的「台慶大利是」就由藝人麥皓兒、江嘉敏一組、趙壁渝、邵展鵬一組及蔡潔、陳聖瑜一組奪得。
汪明荃在台慶贏得終極大獎價值288,000的電動車，阿姐在抽獎環節更是最後一個入圍，最後一位以車匙開到車門，認真幸運。阿姐受訪是覺得相當幸運，因為是最後一個開中車門，感到很意外，過去多年也未贏過大獎，她說：「最接近嗰次咪輸畀黃庭鋒，佢攞咗100萬。」阿姐指老公羅家英早前有想過買電動車，車輛會留下來自己用。
講到今晚台慶阿姐覺得相當熱鬧，梁葆貞（順嫂）的出現相當驚喜，整晚表演最喜歡郭富城的壓軸表演，看到他跳得很勁，講到與郭富城密密傾，她說：「佢話表現唔係最好，我諗可能個台比較細啲。」
無綫總經理（節目內容營運）曾志偉在台慶後接受訪問，他表示對台慶騷感到非常滿意，見到所有同事都盡力做好，而且氣氛很好，證明大家工作開心一定會好，提到郭富城的表演令氣氛推至高峰，他說：「佢帶動全場氣氛，大家都嗌晒，今次好特別，佢除咗係慶祝TVB 55周年，亦都係向舞蹈員致敬，同埋佢可以見返老師以及同期同學，佢都好開心，佢之後講咗關於承傳嘅說話，聽到好感動、好真心。（胡楓嗰Part你睇到眼濕濕？）我預咗，呢個係我好想做嘅事，短劇係希望做到開心同感人，希望觀眾接收到，TVB嘅前輩係帶咗好多後輩出嚟，有好多金石良言，我哋事前做咗資料蒐集，知道班前輩邊幫過邊啲藝人，所以就攞咗啲個案出嚟講，不過守秘密守得好辛苦，佢哋3個（胡楓、安德尊、韓馬利）事前唔知，以為只係嚟現場講兩句，估唔到係咁。（安德尊話好嬲，因為平時好少喺人面前喊。）佢平時太牙擦，所以就要搞喊佢。」
至於「順嫂」梁葆貞的出現帶來驚喜，志偉指每個同事都當TVB是一個家，屋企有喜事都會回來，對於顏國樑患癌一事，他說：「頭先聽到佢把聲變咗，我諗冇緊要，最緊要係佢開心，佢收到我嘅電話，佢二話不說就答應，話一定會返嚟，所以同事都有慰問同關心佢，佢返嚟嘅心情好好，希望佢早日康復。」
麥皓兒、江嘉敏、蔡尚晉、黃一鳴、陳健文組成的隊伍，在無綫台慶贏得「台慶大利是」環節大獎，齊齊瓜分30萬銀行存款。麥皓兒與江嘉敏接受訪問時皆指是首次贏得大獎，自認「黑仔」的江嘉敏自嘲一向沒有抽獎運，打麻雀也未贏過，今次相當幸運。負責抽獎的麥皓兒自言是吉祥物，但被選中出來負責抽獎也相當大壓力。
講到獎金怎樣使用，江嘉敏指會用來做定期收息，麥皓兒則會買玩具，還會請表演環節《Beauty & the Beat》一同表演的港姐吃飯，大家聚一聚。講到環節舞蹈相當性感震撼，她說：「多謝，我哋都跳得好投入，希望帶畀大家驚喜。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|