美國女星安芭赫德（Amber Heard）曾被美國男星前夫尊尼特普（Johnny Depp）指控於2016年一次爭執後在睡房床上大便，她作供時否認，聲稱大便來自寵物小狗。自從尊尼今年6月美國誹謗官司大勝後，安芭敗走西班牙，日前她疑似被拍到夜蒲後當街大便！
網紅Joseph Morris指他收到西班牙網友通知，對方表示：「安芭昨晚醉住咁返歸，大叫大嚷。啲鄰居都好憎佢，佢成日都飲酒同夜蒲，完全破壞我哋小鎮嘅氣氛。對我嚟講，佢係好癲，因為佢應該係有個小朋友要照顧。是咁的，今朝我喺佢屋企附近條街，見到似係人嘅大便，然後，真係畀我哋閉路電視鏡頭捕捉到佢踎低屙屎。我哋想佢躝。」從模糊影片中，可以看到疑似是安芭的女性，於街上大便，她旁邊還有兩個友人望住，認真離譜！
安芭9月尾曾被拍到於西班牙出沒，她與同性密友Bianca Butti帶同由代母所生的1歲女兒Oonagh行街，還在遊樂場玩鞦韆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|