曾有「美心妹妹」稱號嘅童星楊鎧凝（Celine）依家已經14歲大個女，早前就見過佢亭亭玉立成長照，估唔到少有出現幕前嘅佢，原來秘密練兵，講得一口流利日 ...
曾有「美心妹妹」稱號嘅童星楊鎧凝（Celine）依家已經14歲大個女，早前就見過佢亭亭玉立成長照，估唔到少有出現幕前嘅佢，原來秘密練兵，講得一口流利日文，加上佢學跳舞、彈琴，攀石、足球等，最近佢更加喺社交網發文指自己喺香港滑冰賽勇奪亞軍，名副其實係個花式溜冰高手。佢不時分享自己嘅訓練片段，仲多謝教練嘅悉心教導，亦拎埋花式溜冰證書。網友睇見佢嘅新相，反而指佢意外撞樣同為童星出身、被網友封為「哈比女神」嘅黃美棋，見二人都係眼大大、面圓圓，確係有幾分相似。
