獨家丨林穎彤恨同媽咪棄公屋成功上車 買樓唔要靠男人幫手
林穎彤（Bella）在《下流上車族》飾演港女KOL「王亦詩」，既恰老爺和老公，又經常跟「Karen嬸」江美儀鬥氣，最初她都好擔心角色好乞人憎，而拍攝時重遇童星時合作過的鮑起靜和江美儀，份外有親切感。自小住公屋的她，也承認是真實的「下流上車族」，不過她拒絕靠男人買樓，搵對象最重要溝通到。採訪：杜杜 攝影：羅安強髮型:Eas Fu@Admix Hair Styling場地:The AIR (The ONE)
早在童年時Bella已跟鮑起靜和江美儀，分別合作過亞視劇《媽媽我真的愛你》和《萬家燈火》，今次再合作好有親切感，「我有問佢哋我細個點，嗰時我得九歲印象好模糊，淨係記得要背對白，想知佢哋對我嘅感覺同大個有冇唔同？佢哋話我細個好乖坐喺度做功課，鮑姐仲話以為我好似𠵱家演個角色咁，哈哈！大家可以一齊拍嘢好開心好難得。」
畀江美儀睥即淆底
劇中經常跟江美儀鬧交，Bella坦承鏡頭外其實是處於下風，「我驚驚哋，因為有種尊重長輩嘅感覺，所以鬧美儀姐嘅時候，我係有啲怯，其實我哋一家三口成日鬧佢嘅時候，會畀佢嘅氣勢搞到唔記得對白，佢都會話『驚呀？我唔咁惡望你啦嘞』，所以有時會NG，因為美儀姐氣勢太強，寸完佢畀佢睥返我轉頭都淆一淆底。」
自小住公屋長大的Bella，都有個「上車」夢，所以好理解劇中主人翁感受，「愈大個就愈明白嗰種有個地方有安全感嘅感覺，都有呢個共鳴，可以上到車就算細細哋都好，同愛嘅人一齊安居樂業好緊要。」不過她承認距離「上車」目標仍然很遠，「𠵱家樓價跌有返少少希望，都儲緊首期，終極當然希望兩房單位，可以同媽咪住得舒服啲，但都會諗上咗車當係儲錢先，所以開放式細細哋我都會諗，不過仲係諗同研究階段。」不過講到「上車」剛滿30歲的她堅拒向未來另一半埋手，認為揀對象溝通到最重要，「錫我就OK，個價值觀一致，大個咗發覺心靈溝通好緊要，生活會遇到好多問題，喺內心有個支柱緊要啲，但係呢個劇嘅角色會唔會影響我嫁唔出呢？呢個新抱好似有問題？我要講『未來老爺我唔係咁，唔會恰你㗎！』哈哈！」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|