世盃狂熱盡在《彩報》：https://win.on.cc/football/
巴西被視為今屆世盃冠軍熱門，一眾球員亦磨拳擦掌，不過王牌球星尼馬似乎High過頭，日前一課操練竟然向隊友粗野剷波，踢中阿歷士迪尼斯足踝，呢位由曼聯外借西維爾嘅守將「中招」後表現痛苦，好在佢最後都冇乜大礙，可以恢復練習。
尼馬踢傷阿歷士迪尼斯：https://bit.ly/3XeE0Do
巴西大軍集合後連日操練，周五(18日)練習期間尼馬引球突破，被雲尼斯奧斯祖利亞、阿歷士迪尼斯等3人包夾，尼馬被力逼下幾乎甩波，但佢喺失平衡跌低嗰陣順勢出腳飛剷，結果踢中阿歷士迪尼斯足踝，對方即時痛到跳起，要軍醫入場治療，慶幸嘅係阿歷士迪尼斯並冇受大傷，可以繼續練習，周五(25日)凌晨首戰塞爾維亞前會再做檢查。
據報巴西老將丹尼爾事後都提醒尼馬要保持冷靜，有消息指39歲嘅丹尼爾入選，其中一個任務就係要「湊」好尼馬，呢位巴黎聖日耳門前鋒係巴西爭霸嘅靈魂人物，佢嘅表現直接影響巴西捧盃機會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|