蘇韻姿、古佩玲與葉蒨文現身尖沙咀為頒獎禮擔任頒獎嘉賓，3位無綫《愛．回家之開心速遞》小花變身成女團「天才女神」亮相，蘇韻姿笑說：「劇裡面我哋係天才聯盟補習社吖嘛，我哋3個今日正式出道，嚟緊仲會有唱跳，哈哈，講笑啫。」她們皆希望日後能多點機會以「天才女團」出席活動，因三人相當好朋友，可以寓工作於娛樂，葉蒨文說：「我哋三個都好鍾意唱歌，希望第日有機會出席活動，可以一齊唱歌。」
講到聖誕節，最愛聖誕節的葉蒨文指會花費不少金錢在聖誕大餐、聖誕裝飾上，所以要先好好賺錢。蘇韻姿則指與媽媽已經3年沒有見面，媽媽會來港過聖誕及新年，已相約一班「天才聯盟補習社」的好友回家打邊爐一齊慶祝，也有計劃向劇組度期帶媽媽去旅行。古佩玲亦有去旅行的打算，但近期頻顏捱夜睇世界盃相當疲倦，要先「回血」，她說：「阿根廷嗰場決賽真係好精彩，感動到喊，係美斯最後一場，真係只要堅持，夢想就會成真。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|