她說：「估唔到自己一上台已經感動咗，聽到台下歡呼聲就已經熱淚盈眶。最唔滿意嘅地方，我覺得自己太容易喊，所以有兩首歌想重新再唱，因為有半首都喊緊，我覺得有少少對觀眾唔住。」
當時台下有聽眾開玩笑地大叫「回水」，原來吳若希也聽到，她說：「哈哈，喊到只係唱半首，下面有觀眾大叫『回水！』哈哈哈，希望有機會（再唱）啦，點都會補償到大家嘅。」為什麼不多開幾場？她直言想再準備充足一些，她說：「再開嘅話希望聲色藝都全。」表示想學識跳唱之後再表演給樂迷欣賞。
她又笑言今次演唱會是補擺酒席，所以台下的觀眾是去參加婚宴，門票則是「畀人情」。她說：「所以今次所有觀眾都係我嘅親朋戚友。」有沒有打算開紅館演唱會？她回答：「冇呢個打算，從來都沒有...我覺得慢慢嚟啦，我覺得開紅館成個配套都要多好多，首先我要進軍呢個跳唱歌手先！」記者提議倒不如下次開棟篤笑，她又竟然說好。她說：「反而棟篤笑我有信心多啲！即係呢個人太鍾意廢噏，今日度咗好多嘢出嚟大家都冇反應，反而隨口噏嗰啲大家又會感同身受。」
演唱會她表示初戀男朋友也有到場，老公不會呷醋嗎？她回答：「佢喺我Facebook留言，所以我知佢會嚟。唔驚老公呷醋呀，冇乜嘢喎，佢哋見過啦。」
早前樂易玲（樂小姐）表示吳若希是「吳知死」，她在訪問亦解畫，表示與樂小姐就似是母女一樣。她說：「樂小姐絕對係一個阿媽嘅角色嘅存在，做得經理人成日都話有阿媽嘅感覺，永遠都係口硬心軟。我同樂小姐相處都係咁，成日話我『吳知死』但係轉過頭我話『樂小姐~』佢又會『好啦好啦』咁樣。當然，就算佢話我都好，大家都知道個關係唔係惡劣嘅關係，大家都係講笑，同埋吳若希都唔係一個認真講嘢嘅人，哈哈，冇認真講嘢過，其實樂小姐都好鍚我。」
吳若希坦言，樂小姐在演唱會支持了她很多，甚至是第一個建議她開演唱會的人。她透露，之後會和樂小姐商討關於中國內地再開演唱會的事宜。她說：「內地騷佢係第一個推手鼓勵我去開騷，所以今次騷都係佢主動幫我安排。其實嚟緊有plan，樂小姐已經約咗我嚟緊慢慢安排喺唔同地方走唔同場次，做一個巡迴，暫時個plan都係內地為主，都可能會喺馬來西亞、星加坡、美加呢啲地方。」
打趣問到吳若希於演唱會台上喊了很多次，是不是借機宣傳她和老公「何生」的紙巾品牌，她就笑說：「哈哈哈哈，今晚喺喊嘅原因，係本身真係容易喊，但係我覺得喊嘅時候有一張非常柔順柔軟嘅紙巾，呵護自己嘅臉部肌膚，係好緊要，所以我哋挑選紙巾就要挑選一啲唔會甩粉同埋有厚度，5層嘅紙巾......」臨場都可以想到一整段宣傳對白，吳若希的「廢噏」功力真是十分深厚。
本文作轉載及備份之用 來源 source: http://www.hk01.com
|
鍾意就快D Share啦！
|
|
|