兩大歌神張敬軒與陳奕迅前晚分別開騷，隔空晒「腰功」過招。張敬軒一圓男團夢，「自毀形象」扭腰熱舞，陳奕迅則做出高難度動作「下肢挺舉捲腹」。為了搞氣氛，張敬軒出動「初戀」，大唱近期Hit爆的日語歌《First Love》，配以啜核廣東話拼音，笑爆全場！
張敬軒（軒公）視為紀念入行20周年大總結、共11場跨年演唱會《Revisit張敬軒演唱會》前晚於會展開鑼，與他老友鬼鬼的天后容祖兒專程捧場。由於首場專為歌迷會而設，故當偶像出場時，粉絲即陷入瘋狂狀態，不斷吶喊，場面震撼。以白色閃爆造型登場的他，演繹幾首歌曲炒熱氣氛後便火速變裝，穿上膊頭有誇張配飾的黑色西裝、腳踏7吋高跟鞋再度登場。他笑言是出道以來穿過最高踭的鞋，要向廣大女士致敬，感謝她們為了市容及男士賞心悅目獻出腰骨。
只綵排兩次
談到疫情3年來舉行的演唱會，軒公直言考驗一次比一次大，為了團隊安全，今次演唱會沒有正式綵排，與樂隊僅隔空練習，至開騷前只綵排兩次，感謝團隊體諒。之後他換上閃片西裝，自彈自唱《靈魂相認》及《遙吻》，當唱《懷舊情人》時，他笑言一直有個「男團夢」，奈何條件不足：「真係㗎！我以前細個嘅時候，都好想做番個idol，可惜我唔係好具備做idol嘅條件，所以依家決定盡地一煲，反正開完今次都唔知幾時再開，做齊我自己覺得最起雞皮嘅動作，希望大家圓一圓我呢一個男團夢，畀我感受吓睇韓星時嘅尖叫。」歌迷即時狂叫滿足偶像，令他充滿力量扭動身軀跳舞，又大派心心冧歌迷，全場High爆！緊接他唱出《無城有愛》，事後忍不住自嘲與一班舞蹈員為「中彈老年團」：「我哋呢隊係中彈老年團，將我當年建立嘅唱作人身份毀於一旦。」
配啜核廣東話拼音
Encore環節中，軒公演繹《過客別墅》，感慨自稱未必是最有希望的歌手，但會盡力做好，不令人失望，之後再唱《叮噹可否不要老》，緬懷已故的「多啦A夢」配音員林保全。
一向甚懂搞氣氛的軒公，於演唱會尾聲大放笑彈，特別獻唱近期「翻Hit」的日本歌姬宇多田光作品《First Love》來完場，屏幕更配上啜核廣東話拼音，軒公笑言是「國際中文版First Love」，保證粉絲一定識唱，並叫全場一齊大合唱。當他演繹該曲後，現場亮燈完場，但粉絲不願離場，最後他再度現身，獻唱《老了十歲》才正式完騷。
更多新聞，請瀏覽東方日報網頁：
本文作轉載及備份之用 來源 source: http://hk.on.cc
|
鍾意就快D Share啦！
|
|
|