獨家丨胡慧冲3年冇返港阿媽一攬即喊 預告《冲遊8》冬蔭妹露半球 #冬蔭妹 #胡慧冲

獨家丨胡慧冲3年冇返港阿媽一攬即喊預告《冲遊8》冬蔭妹露半球有3年幾冇返港的「泰國通」胡慧冲(Roger)趁住開關，月初回港6天探望年老雙親，並提前同 ...

獨家丨胡慧冲3年冇返港阿媽一攬即喊 預告《冲遊8》冬蔭妹露半球

有3年幾冇返港的「泰國通」胡慧冲(Roger)趁住開關，月初回港6天探望年老雙親，並提前同家人食團年飯。對於《冲遊》系列拍到第八輯，Roger坦言多咗人認識，在港期間不時有觀眾要求合照，他承諾繼續做好節目，更預告2月8日晚10點半起J2播出的《冲遊8》，冬蔭妹會「露半球」跟他齊齊搶fo。採訪：方騫平 地場：中華小館

胡慧冲返港即揀食粵菜，新一年食「撈粗」好意頭。



在港期間食最愛嘅豬扒飯。

受疫情影響超過3年冇返香港，Roger形容感覺既親切又陌生，一落機就急不及待去父母屋企食飯，媽媽喺樓下等候時，見到他即刻爆喊：「搞到我個心好唔安樂，攬住掃佢個頭安慰佢話『乖啦，唔好喊』幸好兩老身體都健健康康。」他承諾之後會多回港陪伴，另外最快4月會帶埋冬蔭妹及冬蔭哥哥出席泰國旅遊局搞嘅泰國節。



Roger好錫媽媽，承諾今年會多返港相伴。



提早同家人食團年飯。



在港期間跟米雪為泰國旅遊局搞嘅泰國節開會。

回港同Fans聚會

Roger的回港行短留6天，期間跟20位粉絲飯聚：「獲大家嘅支持好感動，今次由機場到平日出街，認識我嘅人明顯多咗，好多人同我打招呼及合照，大廈看更又畀利是鼓勵我，自問非大台藝員，又唔係靚仔。最尷尬係媽媽見到我好激動咁喊，身後突然有把聲話係我粉絲要求合照。」



跟20位鐵粉聚會，互相交流意見。



朋友送超人禮物。

另外，《冲遊泰國8》除咗有冬蔭妹、「叉燒姐」鄺玲玲等班底外、仲加入新成員泰國後生版冲為糊，Roger笑言，今次「索爆」嘅冬蔭妹更會露半球，強調冇流鼻血：「都第八輯見慣不怪喇。」



「索爆」冬蔭妹喺《冲遊8》「露半球」，觀眾有眼福。



Roger對「索爆」嘅冬蔭妹露半球冇流鼻血。



冬蔭妹好受歡迎。



早年Roger用一萬港元，從日本網購可騎嘅超人玩具，但一直存放喺朋友公司，今次返港興奮開箱。



「泰國通」胡慧冲抽空到九龍城行泰國街。



留港時現身潘紹聰網台節目。

 

《星島頭條》APP經已推出最新版本，請立即更新，瀏覽更精彩內容：http://www.stheadline.com/

 

本文作轉載及備份之用 來源 source: http://hd.stheadline.com

鍾意就快D Share啦！

下一篇 》