藝人吳偉豪（Ricco）於無綫劇集《有種好男人》有場僅穿襪子逃亡戲，笑言幸劇組貼心準備鞋墊護腳，令他得以表現輕鬆：「如果唔係都唔知點跑，其實對襪都跑到穿晒窿，都換咗一、兩對襪，因為都跑咗好多個Shot。」更指拍攝醫院感情戲份挑戰大：「有時拍完一場喊戲，跟住第二場戲大家又和好晒，之後又要拍番喊戲，對演員情緒嚟講係好大顛覆，全靠馬德鐘同Ali（李佳芯）交足戲，先至拍攝得咁順利。」
而佳芯亦於一集內挑戰多場不同層次的喊戲，其中一場強忍奪眶而出淚水的場面，更是我見猶憐，獲不少網民予以正評，連「兒子」Ricco也讚她好戲，佳芯受訪時坦言擔心喊戲效果，因自己本身很少哭於人前，亦不擅長喊戲，故於醫院的喊戲時一度喊唔出：「有時因為瞓得少、休息唔夠，情緒就更難收放自如，我記得今次醫院嘅戲我有試過喊唔出，但導演同工作人員好好，見我未Ready就調配場口就我，好多謝佢哋。因為冇得逼啲眼淚出嚟，我又唔想用眼藥水，因為想用真感情。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|