出爐「視帝」陳山聰晚上（11日）在尖沙咀與劇集《超能使者》一班演員齊齊慶功，慶祝陳展鵬與劉佩玥在台慶頒獎禮奪得馬來西亞「視帝」與「視后」，自己則贏得無綫「視帝」，齊齊切蛋糕乳豬，開香檳慶祝，皆大歡喜。
近日拍攝新劇的山聰指未有時間與朋友慶祝一番，攞獎興奮心情亦已放下，要努力做得更好，他說：「畀自己開心咗一晚，之後心情已經平復咗，已經放低咗，太太都讚我態度正確，覺得自己攞咗獎更加要努力工作。」有子萬事足的他指看到老婆拍攝兒子看住他攞獎的片段，讚爸爸叻叻，已經冧爆，覺得擁有寶貴的幸福家庭，攞獎是錦上添花。
講到新一年的追求，他坦言新年願望希望追多個小朋友，最好當然能夠生個女兒，湊成「好」字，問到老婆是否答應再生BB，他笑說：「真係想追多個，攞到呢個獎，老婆應該冇藉口，以獎換另一個『獎』，希望兔年有好消息公布。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
