愛回家｜蘇韻姿疑遲到得罪高層被飛出劇組 袁文傑：遲到梗係唔好 #愛回家 #愛．回家 #蘇韻姿 #袁文傑

袁文傑今日（9/1）現身電視城出席無綫新劇《虛擬情人》拜神儀式。對於在《愛回家》劇中飾演熊心如一角的蘇韻姿，近日被指戲屎兼遲到得罪高層，疑犯眾憎被飛出 ...

袁文傑今日（9/1）現身電視城出席無綫新劇《虛擬情人》拜神儀式。對於在《愛回家》劇中飾演熊心如一角的蘇韻姿，近日被指戲屎兼遲到得罪高層，疑犯眾憎被飛出劇組。袁文傑表示：「其實蘇韻姿喺我心目中佢係一名乖乖女嚟，同埋佢係好投入去做每一場戲，咁我好希望可以快啲見返佢，（傳佢遲到係事實？）其實我喺裡面，我同滕麗明嗰條線就比較多，所以我就冇見過佢遲到。（劇組對佢有怨言？）咁我又冇聽過，而家聽到佢有咁嘅消息，我係好突然。不過我好相信可以好快又會見到佢。（咁你就返工千祈唔好遲到！）咁梗係啦，我哋呢啲都一把年紀，都冇咩淨低，唯有以身作則」

被問到曾經有否在拍劇時遲到？袁文傑表示：「拍劇遲到梗係唔好啦，我喺呢度冇遲到，不過喺隔離台就總有一兩次試過。好記得有次係病到7彩開唔到工，諗住打返公司請假，但當時套劇連續3日都係我嘅主景，變咗我係無可能自己唔喺度，於是死都要死返去完成埋佢。咁所以憑住呢次嘅經驗話俾自己知。只要自己仲未瞓低，仲有一息尚存，我都要繼續開工。」

同劇演員大合照。（葉志明攝）



袁文傑透露自己在無綫開工未曾遲到過。（葉志明攝）



袁文傑相信蘇韻姿很快要回劇組。（葉志明攝）



袁文傑出席無綫新劇《虛擬情人》拜神儀式。（葉志明攝）



袁文傑透露自己在無綫開工未曾遲到過。（葉志明攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》