台慶頒獎禮視帝揭盅，由入行30年的陳山聰奪得，首奪該獎的他說：「非常感恩，喺人生馬拉松跌低唔係最難，反而係跌低之後企番起身而步向成功，先係最難，好多謝呢廿年幫我嘅人，多謝《金宵大廈》系列台前幕後，特別李施嬅，佢特登為我返嚟，TVB呢十年畀咗好多機會我，有3個人我要多謝，第一個係喺我最失意嘅時候問我仲拍唔拍劇嘅曾志偉，同埋兩個肯執我呢個百厭星返嚟，雪中送炭的珍姐、樂小姐，仲有我老婆，多謝呢十年佢對我嘅付出同埋生咗一個靚仔過我嘅仔，I LOVE YOU! 多謝所有支持我嘅朋友，同埋最緊要嘅伯樂JAZZ。」
「最受歡迎電視男角色」由《痞子殿下》的周嘉洛，撼贏勁敵陳山聰、林敏驄奪得，成為該獎項最年輕的得獎者，周嘉洛完全沒有想過，上台笑謂：「幾時都要有準備，大鑊啦，好多謝所有鍾意我嘅人，好多謝《痞子》台前幕後，呢一刻我未必可以好穩畴咁攞呢個獎，但我會證明畀大家睇，喺之後嘅日子做得更加好，演好戲畀大家睇。」
憑《金宵大廈2》首奪無綫視帝的陳山聰，接受訪問時，心情仍未平復，他說：「到而家個腦都係一片空白，頭先喺台上面，我都以為唔係自己，郭可盈望住我，但佢講個『聰』字時，我以為係林敏驄，我緊張到唔知畀咩反應！呢十年嚟我好多謝監製咁幫我，呢個獎可以話畀佢哋聽，佢哋嘅幫忙係正確！依家我先至係步向成功，未算係成功，會努力拍劇！」
他更感謝太太一直給予支持：「我好多謝太太，畀我一個幸福家庭，令我無後顧之憂。」又說因要清晨開工，故冇慶祝活動，但太太會準備宵夜：「因為全日我只係飲咗奶！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|