無綫小花游嘉欣拍畢劇集《羅密歐與祝英台》後趁未入劇組，與中學同學去了韓國旅行，而今次她選擇的不是首爾，反而去了較偏遠的江原道，一班年輕人有去滑雪、放煙花，更去了江南的樹屋，嘉欣坦言那兒靚到如仙境一樣，她說：「嗰頭一個係山頭，有好幾間屋，都係嗰度嘅人以20幾年時間用木頭造嘅屋，裏面仲有室內泳池，入到去煙霧迷漫，十足個仙景咁！我都想喺嗰度住多幾日。」
嘉欣接受東網訪問說：「因為好耐冇出國，又好想買嘢，女仔梗係想買化妝品今個Trip試咗好多過往未試過嘅嘢，咁啱我哋去嗰幾日超級凍，有幾日仲係零下20幾度，剩係褲我都着咗4條，上身5件起，不過今次係我第一次見到飄雪，好開心過咗一個美好嘅白色新年。」
問到去韓國有否艷遇時，她笑言：「我本身都諗住去到韓國一定會見到靚仔，但去到我已經凍到乜都睇唔到，剩係想將所有嘅嘢笠自己，我只係不停低頭係咁行，實在太大風，一抬起頭就食風，基本上我都冇乜點望過啲路人。」嘉欣笑言此行吃了不少美食，說到有否增磅時，她謂：「咁又冇喎！好神奇地同我出發時體重一樣！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|