曾志偉早前率領多名藝人到澳門錄影《獎門人開心迎兔年百老匯》，日前文凱婷於個人YouTube頻道中公開幕後花絮，當中包括曾志偉、錢嘉樂等人教玩用嘴玩「接財神」。
遊戲最先由冼靖峰「啜」起財神紅紙，再交俾文凱婷，期間旁邊不停有人叫「要有啲力」、「O字嘴」，試咗兩次之後，終於成功，但當文凱婷轉交緋聞男友孫漢霖（火雞）時，即告失敗，而曾志偉在旁表示：「你淨係掛住錫人哋，你去後面！」之後換上黄奕斌(Hugo），由於啜極都啜唔走張財神紅紙，所以二人一直處於嘴對嘴狀態，期間有人問「咁耐㗎咩？」之後Hugo再交俾火雞時，人未到，財神先飄走，連曾志偉都忍唔住「妖，你見到佢就放口。」之後更叮囑幾位「今晚返去攞張紙試下」。
影片上架後，有網民留言表示「有d嘢喎」、「Hugo 做乜啜極都唔放」，亦有表示「原來培訓班《聲夢》出嚟係咁用㗎！」、「TVB真係作育英才，原來咁用嘅！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|