疑為黃子華角色原型的翁靜晶日前在facebook轉帖相關文章，寫道：「彭楚盈案：發生在香港殖民時代的法治悲劇。當中有隻手遮天的管治人物，被操縱的警隊，以及不作為的法庭。絕對可以拍成電影。」有網民問翁靜晶當年揭發案件時，何以不受勢力左右，她回答：「接案之後一星期，方曼生向我提出起訴，入稟禁制我就案件有關其貨倉提問。這是第一次攻擊。再而，他去澳門找我媽媽，叫我收手。方是澳門賭王葉漢的律師，與吾母認識。這是第二回合。之後，媽媽叫我出庭帶一支清水。萬一被人淋漒水，可以即時清洗。至此，已經是豁出去了。」
翁靜晶接受《香港01》訪問表示多年來接過無數奇案，經常有人用各式各樣方法勸阻她「收手」，但她仍無畏無懼絕不退縮。她說：「無論我接乜case，啲人都好鍾意搵我阿媽。好似定慧寺單嘢又係咁，有班大和尚過澳門同我媽講，叫我鬆手唔好掂，但佢太低估我哋，我阿媽都係女英雄。我阿媽以前七百萬元大劫案佢當年都有份破，佢都係偵探，破好多案，亦係我嘅助手，好多嘢我都有同佢傾，佢有份度橋架，好醒。」
翁靜晶都有得力助手
戲中黃子華有位得力助手楊偲泳，現實中，翁靜晶亦有兩位好幫手。她指當年警方沒有提供案件相關文件，唯獨是數百張現場相片，她和團隊憑著相中一些細微線索揭開假面具，成破案關鍵，她說：「當時梁耀忠去廟街買咗好多放大鏡，所有陪審員手中都有一個，大家要好仔細先睇到成件事背後隱藏嘅嘢。當年法官都叫我福爾摩斯，我諗Martin（楊雲峯律師）就係華生。Martin係我唯一徒弟，我諗咗好多嘢出嚟，佢幫我手進行調查，佢現在都秉承我嘅風格，以前好多奇怪案都經由我哋處理，現在啲人都順理成章搵Martin。」
她指退休後由Martin 接手她的律師樓，而另一位蕭小姐則負責幫她重寫所有手寫稿件予報社，她笑說：「蕭小姐都係我一個好好嘅助手，搵好多資料，我寫嘅字冇人識睇，所以全部由佢重抄一次。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|