提到這個千人宴，每圍十二人，每席八道菜加一道炒麵及甜點，總共十種菜式非常豐富。而當中的菜單亦相當有心思，每道菜的定名都甚有心思，例如用上「毒」字的「毒領風騷」（香酥百花球）、「花枝毒秀」（彩鳳花枝片）、「毒佔鰲頭」（清蒸沙巴龍躉）。
除了食個「毒」字，亦有跟電影情節有密切關係的系列。例如「權貴蝦仁」即是西芹腰果炒蝦仁，但就帶出《毒舌大狀》要打權貴，制止繼續「蝦」人的意思。「菇軍作戰」就係秀珍菇田園蔬，亦代表了林涼水一方人丁單薄強弱懸殊孤軍作戰。「當紅太子雞」就是炸子雞與何啟華角色「太子」的Crossover。
至於戲中的金句亦大派用場，包括「Everything is Wrong」就變成「Everything is 湯」，即是紅燒花膠瑤柱羹。最出色莫過於用上林涼水戲中一句對白︰「我係唔會瀨契弟」化身成「我係唔會奶皇包」，意思好似錯錯地，但就係夠好笑夠貼地。
本文作轉載及備份之用 來源 source: http://www.hk01.com
|
鍾意就快D Share啦！
|
|
|