馬國明昨晚（1日）現身無綫電視城錄影《獎門人》，同場仲有其他主演新劇《隱形戰隊》嘅陳山聰、樊奕敏、劉佩玥及劉頴鏇等人。
以「天然呆」出名嘅馬明接受訪問時，笑言自己成日發夢，又話自己個腦轉唔切，所以唔多敢上《獎門人》，他說：「壽司我又唔食得wasabi，搶櫈仔可能好少少，身手都算敏捷，做動作真係搞唔掂，我啲body language比較差，不過今日有家樂同山聰，有佢兩個應該都OK。」
另外，提到與佘詩曼合作嘅新劇《新聞女王》，馬明透露暫時仍在圍讀階段，大讚對方狀態超好。「尋日入新聞部感受現場環境，坐下主播位，今日圍讀，暫時都係做準備功夫，但阿佘好犀利，我哋尋日睇mom，佢已經好似新聞女主播，最似係佢，一埋位已經有壓台感。」馬明坦言昨日是第一次入新聞錄影廠，感覺仍需要點時間熟習。馬明又透露自己在劇中雖然是主播，但由於是高層關係，所以並不需要經常坐廠，他說：「套劇有少少講幾個女仔點爭主播位，因為六點半新聞係黃金時段，要好有份量先坐到。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|