吳卓羲昨晚（1日）與主演劇集《廉政狙擊》嘅黃宗澤、王浩信、蔡思貝 、黃智雯等人現身無綫電視城錄影《獎門人》。入行多年，原來吳卓羲係首次獲邀上《獎門人》，黃宗澤接受訪問時，認為吳卓羲最適合玩「口不對心」環節，而王浩信就話最想玩超級無敵打乒乓，可惜該環節已取消。問到會否擔心玩得太投入而爆粗，吳卓羲表示：「好在錄影，唔係會出嘛。」黃宗澤在旁聞言後即狂笑，似乎也有留意吳卓羲早前在內地綜藝節目爆粗片段如常出街一事。
提到早前在其經營嘅蠔吧，有食客發帖分享獲黃宗澤親自招呼，狂飲9支白酒加茅台，黃宗澤表示誤會一場，指對方是自己朋友：「我同佢飲咗杯白酒啫，佢哋自己就飲咗好多，開心嘛，自己帶咗好多酒嚟。佢哋飲內地白酒，我飲白葡萄酒，因為我唔飲烈酒，我唔似前茅台。」吳卓羲聞言後，即表示：「你有！講笑啫，佢似白酒同紅酒。」
另外，對於內地劇集《家有姐妹》播出後，被指造型出事，王浩信解釋當時因為在拍清裝劇，唯有以假髮上陣：「其實算係喜劇，去到最後摵甩假髮都幾好笑，至於其他海報嘅嘢我就控制唔到。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|