人氣男團MIRROR成員Anson Lo及Edan（呂爵安）今日（21日）為電影《盜月者》開工，雖然清晨便要開工，Anson Lo更有腰傷在身，到場是趷吓趷吓，但當要拍跑戲時，仍忍痛照拍，相當專業！對於Anson Lo之腰傷，經理人花姐說：「Anson Lo是拍戲時拉親，今日會再去睇醫生，傷勢冇大礙，多謝大家關心。」
Anson Lo開工後，即去看醫生，由於很多粉絲關心他的傷勢，於社交平台「報告」情況，留言：「由細到大都好容易整親，舊患又好多，可能係我嘅「命運」；最近拍攝電影《盜月者》同《12怪盜》，成日兩套戲時間穿插地拍攝，前幾晚本身純粹想同你哋分享，專屬於唔同演員角色嘅疤痕同小傷口，反而令你哋憂心了。」
他指昨晚（20日）拍攝《12怪盜》打鬥場口時受傷，整親下腰連住右腳韌帶的膝蓋，但仍忍痛開工：「當刻我唔想影響拍攝進度而冇同大家講，死撐咗幾個take終於撐唔到，對每一位一直好專業嘅工作單位都感到好內疚，更加唔想令你哋隔咗幾日再嚟一個重量級嘅憂心，所以冇喺story講。今日拍攝《盜月者》，要追車、跑步、上落貨車，雖然好痛 但已經盡咗力了，麻煩到所有工作人員。」
Anson Lo指收工後已去了看中醫師：「醫師話幾日後就會好返好多，公司同劇組決定將今晚嘅拍攝取消，畀我喺屋企休息一下，多謝劇組全體嘅體諒，同時都麻煩咗所有人，唔好意思。嚟緊嘅日子暫時拍住文戲先，大家唔使擔心！」他還透露自己會好快好番，並着粉絲們都要小心保重，十分窩心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|